Makrellgryte 05.09.2006.
Makrell blir som regel tilberedt kokt eller steikt. Eg fekk lyst å prøve ein annan variant.
Her er ei oppskrift på ei makrellgryte som eit alternativ til den tradisjonelle kosten. Oppskrifta er med tradisjonelle norske råvarer kokt i ei panne, og kan minne litt om bacalao, kansje på grunn av poteter og tomatpure.
Makrellen som blei brukt var 3-4 dagar gamal. Dette trur eg er ein fordel då feit fisk skal ligge i is eller i kjøleskap nokre dagar før den skal brukast. Den må sjølvsagt sløyast fyrst.
Oppskrifta er til to personar, eller til ein stor person som ikkje veit å hegne seg. Har ein trong økonomi kan ein doble potetene slik at den held for tre personar. I spesielt tronge tider kan ein kutte opp ingrediensane i mindre bitar og fylle på meir vatn. Det kan då bli ei god makrellsuppe (trur eg).
Ingredienser.
Til to personer treng du:
- Ein potet.
- Ei gulerot.
- Ein liten fennikel.
- To tomater.
- Ein raudløk.
- Ein liten boks med tomatpurè.
- Ei kvart sellerirot.
- Ein potet.
- To makreller.
- Oregano
- Basilikum
- Salt
- Pepper
Framgangsmåte.
Fileter makrellen, ta vekk skinn og bein. Del filèten på langs og skjer vekk resten av beina langs etter filèten. Skjer opp filèten i passande bitar. Rensk og skrell grønsakene og skjer dei i tynne skiver.
Slå litt vatn i panna og legg grønsakene lagvis i panna, potetene fyrst. Legg i til slutt makrellen. Ha i salt og krydder. Ha i boksen med tomatpure og fyll opp med vatn til det dekker ingrediensene.
Makrellgryta skal koke i 20-25 minutt. Ikke kok gryta meir enn 25 minutt av hensyn til smak, vitaminer og straumforbruk.
I etterkant.
Det er mulig eg burde tilsette litt sukker for å runde av smaken på tomatpurèen, men eg er ikkje sikker. Eg tenkte også på om eg skulle bruke nokre laurbærblad i gryta for å ta vekk litt eventuell usmak av makrellen. Det var ikkje nødvendig, makrellen var veldig god i denne gryta. At eg brukte raudløk istaden for vanlig gul løk, eller sjalottløk trur eg var lurt.
Også til denne gryta trur eg vatn er den beste drikken.
Lenker.
- Makrell (fiskeri.no)
- Makrell (Havforskningsinstituttet)
- Filetering og behandling av makrell
- Fosnavåg Seafood AS, mottak av makrell
Makrellgryta anretta på tallerken. Dette er god kvardagsmat. Anbefales.